HƏYATDA NƏ İSTƏDİYİNİ NECƏ ANLAYA BİLƏRSƏN?
HƏYATDA NƏ İSTƏDİYİNİ NECƏ ANLAYA BİLƏRSƏN?
Həyatda ən gözəl kəşflərdən biri insanın özünü
kəşf etməsidir.Biz çox vaxt başqalarını tanımağa, onların bizi necə gördüyünü
düşünməyə və kimin bizə uyğun olduğunu anlamağa çalışırıq. Amma bəzən ən vacib
sualı özümüzə verməyi unuduruq:
“Mən özümü həqiqətən
tanıyırammı?” Mən nə istəyirəm? Məni nə xoşbəxt edir? Nələr mənə enerji verir?
Hansı həyatı yaşamaq istəyirəm?.Özünü tanımaq bütün bu suallara bir gündə cavab
tapmaq deyil. Bu, insanın özünü addım-addım kəşf etdiyi gözəl bir səyahətdir.
- ÖZ HİSSLƏRİNİ DİNLƏ
Gündəlik həyatın sürətində bəzən özümüzü eşitmirik. Ona görə gün ərzində dayanıb özündən soruş:“Mən indi nə hiss edirəm?” Əsəbiləşəndə özünü qınamaq əvəzinə düşün: “Məni nə narahat etdi?”.Kədərlənəndə soruş: “Əslində nəyə ehtiyacım var?” Sevinəndə isə düşün: “Məni xoşbəxt edən nə oldu?”.Hisslərini tanıdıqca öz ehtiyaclarını və istəklərini də daha yaxşı anlayacaqsan.
- DÜŞÜNCƏLƏRİNİ YAZ
Bəzən beynimizdə o qədər fikir olur ki, nə istədiyimizi ayırd etmək çətinləşir. Yazmaq isə düşüncələrimizi daha aydın görməyə kömək edir. Günün sonunda özündən soruş:
- Bu gün məni nə sevindirdi?
- Nə mənə
enerji verdi?
- Hansı
hadisə mənə yaxşı təsir etdi?
- Nə etməkdən
zövq aldım?
Bir müddət
sonra yazdıqlarına baxaraq özün haqqında yeni şeylər kəşf edə bilərsən.
- GÜCLÜ
TƏRƏFLƏRİNİ KƏŞF ET
Özünü tanımaq yalnız çatışmazlıqları görmək
deyil. Güclü tərəflərini də tanımaqdır.
Özündən
soruş:“Mən nələri yaxşı bacarıram?”,“Hansı xüsusiyyətlərim mənə kömək edir?”,“İndiyə
qədər nələrə nail olmuşam?”
Uğurların sənə
gücünü, çətinliklərin isə inkişaf edə biləcəyin tərəfləri göstərir.
-YENİ ŞEYLƏR
SINA
Bəzən insan
başqalarının gözləntilərinə o qədər fokuslanır ki, öz arzularını unudur.Yeni
şeylər sınamaqdan qorxma. Kitab oxu, idman et, səyahət et, yeni hobbi seç, kursa
qoşul və fərqli insanlarla tanış ol. Bəlkə də hələ kəşf etmədiyin bir istedadın
və ya böyük marağın məhz yeni bir təcrübənin içində səni gözləyir.
- ÖZÜNÜ BAŞQALARI İLƏ MÜQAYİSƏ ETMƏ
Fərqli
insanlarla ünsiyyət qurmaq dünyagörüşünü genişləndirir. Başqalarının həyatından
ilham ala bilərsən, amma özünü onlarla müqayisə etmə.Hər insanın öz yolu, öz
zamanı və öz hekayəsi var. Başqasının uğuru sənin uğursuzluğun deyil. Sənin əsas
rəqibin dünənki özünsən.
-SƏHVLƏRDƏN
QORXMA
Səhv etmək həyatın
normal bir hissəsidir. Hər şeyin ilk dəfədən mükəmməl alınmasına ehtiyac
yoxdur.Bir hadisə istədiyin kimi alınmadıqda özündən soruş:“Bu təcrübə mənə nə
öyrətdi?”Bəzən səhvlər bizə nəyin bizə uyğun olmadığını göstərərək doğru yolu
tapmağa kömək edir.
-ÖZÜNƏ
DÜRÜST OL
Özünü tanımağın ən vacib şərtlərindən biri
özünlə səmimi olmaqdır.Nələri sevdiyini, nələri istəmədiyini və hansı istiqamətdə
dəyişmək istədiyini qəbul et.Mükəmməl olmağa ehtiyac yoxdur.Sən olduğun halınla
dəyərlisən və eyni zamanda hər gün daha yaxşı versiyana çevrilə bilərsən.
-GƏLƏCƏYİNİ
TƏSƏVVÜR ET
Özündən
soruş:
“5 ildən
sonra necə bir insan olmaq istəyirəm?”
“Hansı həyatı
yaşamaq istəyirəm?”
“Yanımda
hansı insanlar olsun istəyirəm?”
Böyük məqsədlərdən
qorxma. Kiçik addımlarla başla. Çünki böyük dəyişikliklər çox vaxt kiçik qərarlarla
başlayır.
-TƏLƏSMƏ
Özünü tanımaq bir gündə tamamlanan proses deyil. İnsan zaman keçdikcə dəyişir, böyüyür və özünün yeni tərəflərini kəşf edir. Ona görə özünü başqaları ilə deyil, dünənki özünlə müqayisə et.Özünü tanı. Özünü qəbul et. Özünə inan. Özünü inkişaf etdir.Bəlkə də axtardığın cavablar çox uzaqda deyil. Sadəcə bir az dayanmaq, öz səsini dinləmək və özünə doğru addım atmaq lazımdır.Özünü kəşf etməkdən qorxma. Çünki həyatının ən gözəl səyahəti özünə gedən yoldur.
Müəllif: Rüstəm Məcidov
Redaktor: Aysel Talıbova